პროექტების გეგმა

2015-2016 სასწავლო წელს განსახორციელებელი პროექტების გეგმა

პროექტების მიზანი: პრობლემაზე ორიენტირებული სწავლებით მიღწეული შედეგის წარმოჩინება. დამოუკიდებლობის, კრიტიკული აზროვნების განვითარება. ცხოვრებისეული გამოცდილების დაგროვება. სასწავლო პროცესში მოსწავლეთა ჩართულობის ხარისხის ამაღლება.

IX^ა,ბ -„გავთავისულდეთ მავნე ჩვევებისაგან“- მოსწავლეებს ევალებათ მოიძიონ ასოციალური ქცევების მქონე ადამიანთა ცხოვრების შესახებ ნარკოტიკზე ალკოჰოლზე და თამბაქოზე დამოკიდებული ადამიანთა ცხოვრების შესახებ ინფორმაციები სლაიდშოუების სახით.

„ჩემი კუმირი“- მოსწავლეებს ევალებათ მოიძიონ ინფორმაციები მათთვის მისაბაძი პიროვნებების შესახებ. ჩამოაყალიბონ, რა განაპირობებს მათ დადებით წარმოდგენებს მათზე.

„არ მოტყუვდე“- მოსწავლეებს ევალებათ მოიძიონ ინფორმაციატრეფიკინგის მსხვერპლთა შესახებ. განსაზღვრონ დაუფიქრებელი გადაწყვეტილების შედეგები. ჩაატარონ კვლევა ერთი კონკრეტული ქვეყნის მაგალითზე.

„ომი-კაცობრიობის წინააღმდეგ მიმართული ამბოხი“-მოსწავლეებს ევალებათ გაეცნონ ჟენევის კონვენციებს, გამოიკვლიონ,რა სახის საფრთხე მიაყენოს მოსახლეობას ომის წარმოების შეუზღუდავმა გამოყენებამ.

„პანაშვიდიდან-უკვდავებაში“-მოსწავლეებს ევალებათ გაარკვიონ მთაწმინდისა და დიდუბის პანთეონებში დაკრძალული ადამიანების მოღვაწეობა. იმსჯელონ, რამდენად სწორ გადაწყვეტილებად მიაჩნიათ ცნობილი ადამიანების დაკრძალვა აღნიშნულ ადგილებში.

„ჯანსაღი საბაზრო კონკურენცია-ეკონომიკის განვითარების საწინდარი“- ევალებათ მოიძიონ ინფორმაცია დიდი ფარმაცევტული კომპანიების შეთანხმებული ფასების შესახებ, გაარკვიონ რამდენად ისჯება ეს ქმედება საქართველოს კანონმდებლობით.

X^ა,ბ- „მმართველობის ფორმები“-ჯგუფური პროექტის განხორციელება. ტოტალიტარული და დემოკრატიული მმართველობის ფორმების დახასიათება და კონკრეტული მაგალითების მოძიება.

„სახელმწიფოებრივი სიმბოლიკების მიმოხილვა ხუთი ქვეყნის მაგალითზე“- მოსწავლეებს ევალებათ, მიმოიხილონ სახელმწიფო რეგალიების სიმბოლური მნიშვნელობები ამერიკის, დიდი ბრიტანეთის, გერმანიის, საფრანგეთის და საქართველოს მაგალითზე.

„მონათვაჭრობა და ლეკიანობა XVII-XVIII საუკუნეების საქართველოში“- მოსწავლეებს ევალებათ მოიძიონ ინფორმაცია ამ მოვლენის შესახებ. გამოიყენონ ლიტერატურული მაგალითები.

„სიკვდილით დასჯა-არაჰუმანური აქტი“- მოსწავლეებს ევალებათ, წარმოაჩინონ სიკვდილით დასჯის ისტორიული და თანამედროვე მეთოდები ამერიკის შეერთებული შტატების მაგალითზე. იმსჯელონ სასჯელის არაჰუმანურობაზე.

„მასმედია-მეოთხე ხელისუფლება“-მოსწავლეებს ევალებათ გაარკვიონ მასმედიის როლი ადამიანთა ცნობიერების ჩამოყალიბებაზე. კონკრეტულად, მათ მიერ ფაქტების დამახინჯებაზე.

„1991-2000 წლების საქართველო“- მოსწავლეებს ევალებათ მიმოიხილონ 90-იანი წლების ეპოქა და პოლიტიკური პროცესები.

IX^ა,ბ - „თევზნი ამერთა წყალთაგან იმერთა წყალთა შთამესხნენ“ -დავით აღმაშენებლის ეპოქის მიმოხილვა“- მოსწავლეებს ევალებათ გამოიკვლიონ დიდი მეფის ცხოვრება და მოღვაწეობა.

„თოვდა და თბილისს ებურა თალხი“- საქართველოს ოკუპაციის მიმოხილვა 1921 წელს“- მოსწავლეებს ევალებათ, მიმოიხილონ ისტორიული რეალობის ასახვა ქართულ ლიტერატურაში.

„ბაგრატიონთა დინასტია“-მოსწავლეებს ევალებათ ბაგრატიონტთა სხვადასხვა შტოს შესახებ ინფორმაციების მოძიება და გამიჯვნა.

„გვახსოვდეს 1937“- მოსწავლეებს ევალებათ, მიმოიხილონ საბჭოთა რეჟიმის მსხვერპლთა ისტორიები, რეპრესიების მასშტაბი და რეაბილიტაციის  ეპოქის გააზრება.

„ქართველები მეორე მსოფლიო ომში“- მოსწავლეებს ევალებათ გამოიკვლიონ ქართველების მონაწილეობის მონაცემები, როგორც საბჭოთა ხელისულების დამცველთა ასევე ფაშისტური გერმანიის პოლიტიკის მომხრეების, მიხედვით.

„სწორუპოვარი თამარის უნიათო შვილები“- მოსწავლეებს ევალებათ, გამოიკვლიონ ლაშა-გიორგისა და რუსუდანის მოღვაწეობა და მათ დროს მიმდინარე პოლიტიკური პროცესები.